ह.भ.प. रमाबाई लक्ष्मण देवरे यांचे वृद्धापकाळाने निधन
रायगड वेध अनिल पवार नागोठणे
नागोठणे जवळील चिकणी (देऊळ) ता. रोहा येथील जेष्ठ सामाजिक कार्यकर्ते, नागोठणे हायवेनाका श्री गणेशोत्सव मंडळाचे संस्थापक/अध्यक्ष रामचंद्र लक्ष्मण देवरे यांच्या मातोश्री ह.भ.प. रमाबाई लक्ष्मण देवरे यांचे नुकतेच वृद्धापकाळाने निधन झाले.धार्मिक, सामाजिक कार्यक्रमात हिरीरीने सहभाग घेणाऱ्या तसेच हरी नामाची गोडी असल्याने आपल्या आयुष्यातील सुमारे ३० वर्षे वारकरी संप्रदायाशी निगडित असणाऱ्या हे.भ.प. रमाबाई देवरे यांच्या निधनाने चिकणी गावासह नागोठणे पंचक्रोशीत हळहळ व्यक्त होत आहे. त्यांच्या पश्चात चार विवाहित मुले, दोन विवाहित मुली यांच्यासह सुना , जावई, नातवंडे, पतवंडे असा मोठा परिवार आहे.
वै. ह.भ.प. रमाबाई देवरे यांच्यावर चिकणी येथील वैकुंठ स्मशानभूमीत अंत्यसंस्कार करण्यात आले. यावेळी चिकणी गावासह नागोठणे पंचक्रोशीतील नागरिक, विविध क्षेत्रातील मान्यवर उपस्थित होते. वै. ह.भ.प. रमाबाई देवरे यांचे दशक्रिया विधी रविवार दि. २ एप्रिल रोजी उध्दर येथे तर उत्तरकार्य विधी बुधवार दि. ०५ एप्रिल रोजी चिकणी (देऊर) येथे राहत्या घरी होणार असून बुधवारी उत्तरकार्य विधी निमित्ताने सकाळी १० वा. गुरुवर्य ह.भ.प. नारायणदादा वाजे महाराज, पंढरपूर याचे हरि किर्तन होणार असल्याचे देवरे कुटुंबियांकडून सांगण्यात आले आहे.
