आ. अनिकेतभाई तटकरेंच्या वाढदिवसानिमित्त नागोठणे विभागातील १५ गावांना पखवाज वाटप
नागोठणे शहर-विभाग राष्ट्रवादी आणि राष्ट्रवादी युवक कॉंग्रेसचा उपक्रम
रायगड वेध अनिल पवार नागोठणे
विधानपरिषदेचे आमदार अनिकेतभाई तटकरेंच्या वाढदिवसाच्या निमित्ताने जिल्ह्यातील राष्ट्रवादी कार्यकर्त्यांनी अनेक भरगच्च कार्यक्रम केलेले असतांनाच नागोठणे शहर व विभागातील राष्ट्रवादीच्या व राष्ट्रवादी युवक कॉंग्रेसच्या कार्यकर्त्यांनी नागोठण्यासह विभागातील १५ गावांतील वारकरी संप्रदाय मंडळांना पखवाज वाद्याचे वाटप केले. शुक्रवारी रमा एकादशीच्या दिवशी व आ. अनिकेत तटकरेंच्या वाढदिवसाच्या निमित्ताने या आगळ्यावेगळ्या उपक्रमाची सुरुवात नागोठण्यातील श्री ज्ञानेश्वर मंदिरात करण्यात आली. त्यानंतर विभागातील कडसुरे, वणी, वेलशेत, वरवठणे, आमडोशी, वांगणी, बाळसई, ऐनघर पंचक्रोशी, मांडवशेत, चिकणी, नागोठणे, वजरोली, गोडसई या गावांत राष्ट्रवादीच्या कार्यकर्त्यांनी तेथील वारकरी मंडळांना पखवाज वाद्याचे वाटप केले.
या कार्यक्रमाला राष्ट्रवादी कॉंग्रेसचे विभागीय नेते व राजिपचे माजी सदस्य नरेंद्रशेठ जैन, विभागीय नेते भाई टके, ज्येष्ठ नेते मधुकर ठमके, हरिषशेठ काळे, राष्ट्रवादीच्या पेण विधानसभा मतदार संघाचे उपाध्यक्ष विलास चौलकर, चंद्रकांत जांबेकर, डॉ. राजेंद्र धात्रक, प्रकाशशेठ जैन, राष्ट्रवादीचे विभागीय अध्यक्ष संतोषभाई कोळी, शहर अध्यक्ष बाळासाहेब टके, राष्ट्रवादी युवकचे विभाग अध्यक्ष प्रमोद जांबेकर, कार्याध्यक्ष दीपेंद्र आवाद, युवक शहर अध्यक्ष कुणाल तेरडे, पांडुरंग गायकर, कृष्णाजी धामणे, ह.भ.प. दळवी गुरुजी, बिपीन सोष्टे, पांडुरंग म्हात्रे, दत्ता करजेकर, दिलीप शहासने, उल्हास शिंदे, भारत भोय, अशोक भोसले, कडसुरे सरपंच राजू शिंदे, विनय गोळे, नागोठणे ग्रा.पं. सदस्य अतुल काळे, वणी ग्रा.पं.चे उपसरपंच महेंद्र हंबीर, दिनेश घाग, प्रथमेश काळे, सिद्धेश काळे, सुदर्शन कोटकर, अमित जांबेकर, वांगणी ग्रा.पं. सदस्य शरद कामथे, प्रमोद भोसले, अक्षय नागोठणेकर, केतन भोय, सुजित चौलकर, करण लाड, नागोठणे संत सेवा मंडळाचे अध्यक्ष रतन हेंडे, ऐनघरचे माजी सरपंच जानू वारगुडे, राजिपच्या माजी सदस्य सखुबाई पिंगळा, पाटणसईच्या माजी सरपंच अनुसया सिद, विद्यमान सदस्या बेबी शिंगवा, निलेश म्हात्रे, गोट्या राजीवले आदींसह वारकरी संप्रदाय मंडळ, राष्ट्रवादी कॉंग्रेस व युवकचे कार्यकर्ते यावेळी मोठ्या संख्येने उपस्थित होते.
या कार्यक्रमाच्या प्रास्तविकात प्रमोद जांबेकर यांनी आ. अनिकेतभाई तटकरे राबवीत असलेल्या विविध सामाजिक उपक्रमांची माहिती देऊन आ. अनिकेतभाई यांच्या वाढदिवसानिमित्त वारकरी सांप्रदायासाठी हा स्तुत्य उपक्रम राष्ट्रवादीने नागोठणे विभागात आयोजित केल्याचे सांगितले. तर दीपेंद्र आवाद यांनी आ. अनिकेतभाईंच्या विविध कार्याचा थोडक्यात आढावा घेऊन वारकरी सांप्रदायाप्रती असलेल्या बांधिलकीतून हा कार्यक्रम घेतल्याचे सांगतांनाच विभागातील वारकरी मंडळींनी आ. अनिकेतभाई यांच्या दीर्घायुष्यासाठी आपल्या भावना ईश्वरापर्यंत पोचवाव्यात असे सांगितले.
