महाराष्ट्र शासन आरोग्य विभागातर्फे साने गुरुजी विद्यालयामध्ये मोफत नेत्र चिकित्सा कॅम्प
रायगड वेध ऋषाली पवार लोहारे
महाराष्ट्र शासन आरोग्य विभागातर्फे पोलादपूर तालुक्यातील विविध शाळा महाविद्यालयामध्ये मोफत नेत्रचिकित्सा कॅम्प भरवण्यात आले .
२१ सप्टेंबर बुधवार रोजी लोहारे गावातील साने गुरुजी विद्यालय मध्ये आरोग्य विभागाकडून विद्यार्थ्यांचे मोफत नेत्र चिकित्सा कॅम्पचे आयोजन करण्यात आले होते यावेळी ५ ते १०वी या वर्गातील सर्व विद्यार्थ्यांचे मोफत नेत्र तपासणी करण्यात आली .
पोलादपूर तालुक्यातील शासकीय शाळा तसेच संस्थेच्या शाळा अशा शाळा महाविद्यालयामध्ये विद्यार्थ्यांचे मोफत नेत्र तपासणी करण्यात आली व ज्या विद्यार्थ्यांना नेत्रासंबंधी कोणत्याही प्रकारचा आजार असल्यास शासनातर्फे उपचार करण्यात येणार आहेत उपचार हे पोलादपूर ग्रामीण रुग्णालयात करण्यात येणार आहे .
नेत्रचिकित्सा अधिकारी चैताली राऊत, सहाय्यक हे पोलादपूर मधील वेगवेगळ्या शासकीय शाळांमध्ये जाऊन मोफत नेत्रचिकित्सा करत आहेत मोबाईलच्या अतिवापरामुळे अनेक विद्यार्थ्यांना नेत्र समस्या उद्भवत आहेत .
