• तळा तालुका पत्रकार संघातर्फे शेतकऱ्यांचा बांधावर सन्मान
• सुरेश कजबले आणि सुरेश कोळी आदर्श शेतकरी पुरस्काराचे मानकरी
रायगड वेध श्रीकांत नांदगाकर तळा
तळा तालुका पत्रकार संघाच्या वतीने दोन प्रयोगशील शेतकऱ्यांचा त्यांच्या शेताच्या बांधावर जाऊन सत्कार करण्याचा उपक्रम राबविण्यात आला.यामध्ये यावर्षी कुंबेट येथील आदर्श शेतकरी सुरेश सखाराम कजबले व शेणाटे येथील प्रयोगशील -प्रगतशील शेतकरी सुरेश धोंडू कोळी यांना आदर्श प्रगतिशील शेतकरी पुरस्काराने तळा पत्रकार संघातर्फे गौरविण्यात आले.यावेळी तळा पत्रकार संघाने निवडलेले दोन शेतकरीपैकी सुरेश कजबले हे आपल्या शेतात तांदूळ, नारळ, ज्वारी, नाचणी ई. पीक घेतात.तर सुरेश कोळी या आदिवासी शेतकरी बांधवाने पारंपरिक शेतीसह कारला सारख्या नाविन्यपूर्ण शेतीचे उत्पादन घेतले आहे.या दोन्ही शेतकऱ्यांच्या प्रयोगशील वृत्तीला बळ मिळण्यासाठी त्यांची तळा पत्रकार संघाने आदर्श शेतकरी पुरस्कारासाठी निवड केल्याचे पत्रकार संघाचे अध्यक्ष कृष्णा भोसले यांनी सांगितले. यावेळी कृषी अधिकारी व स्वदेस फाउंडेशनचे अधिकारी यांनी शेतकऱ्यांना विविध योजनांची माहिती दिली.याप्रसंगी मंडळ कृषी अधिकारी सागर वाडकर,स्वदेश फाउंडेशनचे मॅनेजर रविंद्र राऊत,कृषि सहाय्यक दिनेश चांदोरकर,कृषि पर्यवेक्षक सचिन जाधव,स्वदेश फाउंडेशन चे निनाद दर्गे,सागर पाटील, समीर शिर्के,पत्रकार संघाचे अध्यक्ष कृष्णा भोसले, कार्याध्यक्षा संध्या पिंगळे, सदस्य संतोष जाधव आदी मान्यवर उपस्थित होते.
