एस.एस.निकम हायस्कूलची सायली गाडगीळ दहावी परीक्षेत प्रथम
रायगड वेध श्रीकांत नांदगावकर तळा
तळा शहरातील एस.एस.निकम हायस्कूलची विद्यार्थिनी सायली प्रसन्न गाडगीळ हिने दहावीच्या परीक्षेत ८९.८० टक्के गुण मिळवून प्रथम क्रमांकाने उत्तीर्ण झाली आहे.तळा शहरातील एस.एस.निकम हायस्कूल हे एकमेव इंग्रजी माध्यमाची शाळा असून यावर्षी दहावीच्या लागलेल्या निकालात सायली गाडगीळ ही तळा केंद्रातून प्रथम क्रमांकाने उत्तीर्ण झाली आहे. तिने अभ्यासात प्रचंड मेहनत घेऊन मिळविलेल्या या अभूतपूर्व यशाबद्दल तळा नगरपंचायतीच्या माजी नगरसेविका स्नेहल तळकर यांनी सायली हिची तिच्या निवासस्थानी भेट घेऊन पुष्पगुच्छ देऊन कौतुक केले.व तीला पुढील वाटचालीसाठी शुभेच्छा दिल्या.याप्रसंगी सामाजिक कार्यकर्ते गुरुदास तळकर,हेमंत बर्वे तसेच सायलीचे आईवडील आणि आज्जी उपस्थित होते.
