पालकमंत्री आदिती तटकरेंच्या उपस्थितीत यशवंत घासेंचा 50 वा वाढदिवस साजरा, वृद्धाश्रमात ब्लॅंकेट केले वाटप
रायगड वेध प्रशांत पोतदार पेण
राष्ट्रवादी काँग्रेसचे ओबीसी सेलचे रायगड जिल्हा उपाध्यक्ष, संजय गांधी निराधार योजनेचे सदस्य व पेणचे प्रसिद्ध उद्योजक यशवंत हसुराम घासे यांचा 50 वा वाढदिवस रायगडच्या पालकमंत्री आदिती तटकरे यांच्या प्रमुख उपस्थितीत साजरा करण्यात आला. यशवंत घासे यांच्या वाढदिवसानिमित्त पेण मधील वृद्धाश्रमात ब्लॅंकेट वाटप करण्यात आले.
यावेळी व्यासपीठावर पालकमंत्री आदिती तटकरे, उद्योजक यशवंत घासे, नर्मदा घासे, मंजुळा घासे, एकता घासे, सारा घासे, सानिका घासे उपस्थित होते.
उद्योजक यशवंत घासे यांच्या 50 व्या वाढदिवसानिमित्त दुपारी वृद्धाश्रमात ब्लॅंकेट वाटप करण्यात आले. यानंतर सायंकाळी पेण येथील परशराम बाग हॉल येथे उद्योग आणि खनिकर्म, पर्यटन, फलोत्पादन, क्रीडा व युवक कल्याण, राजशिष्टाचार, माहिती व जनसंपर्क, विधी व न्याय राज्यमंत्री तथा रायगडच्या पालकमंत्री आदिती तटकरे यांच्या प्रमुख उपस्थितीत माती सम्राट यशवंत घासे यांच्या 50 व्या वाढदिवसाचा भव्यदिव्य केक कापून वाढदिवस साजरा करण्यात आला.
यावेळी यशवंत घासे यांना शुभेच्छा देण्यासाठी पनवेलचे उद्योजक विजय म्हात्रे, माजी नगराध्यक्ष संतोष शृंगारपुरे, राष्ट्रवादी तालुका अध्यक्ष दयानंद भगत, रशाद मुजावर, नरेंद्र ठाकूर, डॉ.शेखर धुमाळ, जितेंद्र ठाकूर, पेण पोलीस निरीक्षक देवेंद्र पोळ, दादर पोलीस निरीक्षक गोविंद पाटील, डॉ.एम.एस.पाटील, विकास पाटील, मधुकर भगत, यशवंत शेट्टे, नगरसेविका वसुधा पाटील, पांडुरंग जाधव, सरपंच राजेश मोकल, अनिल म्हात्रे, प्रशांत पाटील, चैताली पाटील, कल्पेश ठाकूर, दत्ता कांबळे, हरिष बेकावडे, गंगाधर पाटील, सागर हजारे, कमलाकर पाटील, विवेक जोशी आदी मान्यवरांसह हजारोंच्या संख्येने हितचिंतक उपस्थित होते.
याप्रसंगी गायक संतोष पाटील तरणखोपकर यांचा सुमधुर गायनाचा कार्यक्रम झाला तर सूत्रसंचालन सुभाष टेंबे यांनी केले. सारा कन्ट्रक्शन, एकता ट्रान्सपोर्ट, साज मराठी व साई सहारा परिवाराकडून सदर वाढदिवस कार्यक्रमाचे आयोजन करण्यात आले होते.
