पेणमध्ये राष्ट्रवादी परिवार संवाद कार्यक्रमात राज्याचे जलसंपदामंत्री तथा राष्ट्रवादी प्रदेशाध्यक्ष जयंत पाटील करणार मार्गदर्शन
राष्ट्रवादी काँग्रेस पक्षाचे राष्ट्रीय सरचिटणीस खासदार सुनिल तटकरे यांची प्रमुख उपस्थिती
रायगड वेध प्रशांत पोतदार पेण
पेण तालुका व पेण शहरातील राष्ट्रवादी काँग्रेस पक्षाच्या वतीने मंगळवार दिनांक १२ एप्रिल २०२२ रोजी, सकाळी
ठिक १०:०० वाजता रविराज फार्म हाऊस येथे राष्ट्रवादी परिवार संवाद कार्यक्रमाचे आयोजन करण्यात आले.
या कार्यक्रमाला महाराष्ट्र राज्याचे जलसंपदा मंत्री तथा महाराष्ट्र प्रदेश राष्ट्रवादी काँग्रेस पक्षाचे अध्यक्ष जयंत पाटील हे उपस्थित राहून कार्यकर्त्यांना मार्गदर्शन करणार आहेत तर राष्ट्रवादी काँग्रेस पक्षाचे राष्ट्रीय सरचिटणीस खासदार सुनिल तटकरे यांच्या प्रमुख उपस्थितीत हा कार्यक्रम संपन्न होणार आहे.
यावेळी राज्य मंत्री उद्योग तथा पालकमंत्री आदितीताई तटकरे,आमदार अनिकेतभाई तटकरे,सुरेशजी लाड,मेहबुब शेख आदी राष्ट्रवादी काँग्रेस पक्षातील मान्यवर पदाधिकारी तसेच कार्यकर्ते मोठ्या संख्येने उपस्थित राहणार असून या कार्यक्रमाची जय्यत तयारी तालुका व शहर राष्ट्रवादी काँग्रेस पक्षाकडून करण्यात आली आहे.
