नागोठणे जवळ रेल्वे अपघातात तरुणीचा जागीच मृत्यू
रायगड वेध अनिल पवार रोहा
नागोठणे पोलीस ठाण्याच्या हद्दीतील मौजे नागोठणे मिरानगर भागातील रेल्वे रुळ स्टोन क्र.१२८/१४ या ठिकाणी रेल्वे रुळ क्रॉस करत असताना रेल्वेची धडक लागल्याने १७ वर्षीय तरुणीचा जागीच मृत्यू झाला.
या अपघाता संदर्भात नागोठणे पोलीसांकडून मिळालेल्या सविस्तर माहितीनुसार नागोठणे जवळील कोंडगाव येथे राहणारी तरुणी कृतिका रोहिदास धामणे (वय - १७ वर्षे) ही दि. ८ रोजी १२ ते १ वाजण्याच्या सुमारास नागोठणे बाजूकडून आपल्या कोंडगाव येथील घरी रेल्वे मार्गाने जात असताना मौजे मिरानगर ते मुरावाडी रेल्वे मार्गाच्या दरम्यान रुळ क्रॉस करत असताना पोरबंदर - कुच्चुवेली या रेल्वे गाडीची ठोकर लागल्याने तिच्या डोक्याला गंभीर स्वरूपाच्या दुखापती झाल्याने तिचा जागीच मृत्यू झाला. या घटनेची नोंद नागोठणे पोलीस ठाण्यात करण्यात आली असून पोलीस निरीक्षक तानाजी नारनवर यांच्या मार्गदर्शनाखाली पो.ह. बी.डी. भायदे हे करीत आहेत.
