• पत्रकार संतोष विश्वनाथ शिलकर यांना रायगड जिल्हा प्रेस क्लबचा रायगड जिल्हा श्रमिक पत्रकार पुरस्कार जाहीर
• पत्रकारितेच्या क्षेत्रात केलेल्या कामाची पोचपावती
रायगड वेध अभिजीत मुकादम
१९९७ पासून पत्रकारितेच्या क्षेत्रात उल्लेखनीय कार्य करणाऱ्या श्रीवर्धन तालुक्यातील वेळास आगर गावच्या संतोष विश्वनाथ शिलकर यांना रायगड जिल्हा प्रेस क्लब कडून दिला जाणारा रायगड जिल्हा श्रमिक पत्रकार पुरस्कार जाहीर करण्यात आला आहे.
समाजिक कार्याच्या आवडी बरोबरच लिखाणाची प्रचंड आवड असल्यामुळे पत्रकारीतेकडे वळले. आणि मग वेगळ्याच ध्येयाने प्रेरित होऊन दैनिक रायगड टाइम्स, दै. पुढारी, दै. रायगड राज, दै. प्रत्यक्ष अशा विविध वृत्तपत्रांत त्यांनी दिघी विभागातील सामाजिक, राजकीय, सांस्कृतिक, शैक्षणिक अशा सर्वच क्षेत्रातील घडणाऱ्या घटनांचे निर्भिड, निःपक्षपाती लिखाण केले आहे. व आपल्या सुंदर लिखाणाने त्यांनी विविध समस्यांकडे संबंधित विभागाचे अचूकपणे नेहमीच लक्ष वेधून घेतले आहे.
वेळास आगर गावातील सामाजिक कार्यात त्यांचे नेहमीच उल्लेखनीय योगदान असते. अखंड भंडारी समाज सेवा संघ श्रीवर्धन म्हसळा या दोन तालुक्यांना जोडणा-या सामाजिक संघटनेचे प्रवक्ते म्हणूनही त्यांनी आपल्या कार्याची उत्तम छाप पाडली आहे.
मितभाषी, उत्तम संघटक, दिलदार मित्र, सहकारी अशा त्यांच्या विविधांगी व्यक्तीमत्व मुळे नेहमीच ते सर्वांच्या जवळेचे आहे. त्यांना या जाहिर झालेल्या पुरस्कारासाठी अनेकांनी त्यांचे भ्रमणध्वनीवरून, व्हाट्सअप सारख्या सोशल माध्यमातून, प्रत्यक्ष भेटून त्यांचे अभिनंदन केले आहे.
