• कोंडगाव विविध कार्यकारी सेवा सहकारी संस्थेच्या चेअरमनपदी शेकापचे अनंत वाघ बिनविरोध तर व्हाईस चेअरमनपदी नथुराम घासे
रायगड वेध अनिल पवार नागोठणे रोहा
रोहा तालुक्यातील नागोठणे विभागातील कोंडगाव विविध कार्यकारी सेवा सहकारी संस्था मर्यादित, कोंडगाव या संस्थेच्या दि. ८ मार्च रोजी शांततेत पार पडलेल्या निवडणुकीत शेकापचे ज्येष्ठ नेते अनंत वाघ यांच्या नेतृत्वाखाली सर्वच्या सर्व १३ जागा जिंकत शेकापने आपले निर्विवाद वर्चस्व सिद्ध केले होते. कोंडगाव विविध कार्यकारी सेवा सहकारी संस्थेत कोंडगाव, पळस, पिगोंडे, कडसुरे, वांगणी व वणी या ग्रामपंचायती मधील गावांतील सुमारे एक हजार शेतकरी सभासदांचा समावेश असलेल्या कोंडगाव विविध विकास कार्यकारी सोसायटीच्या चेअरमन व व्हाईस चेअरमन पदाची निवडणूक शुक्रवार दि. २५ मार्च रोजी सकाळी ११.३० वाजता घेण्यात आली. याावेळी विविध कार्यकारी सेवा सहकारी संस्थेच्यया निवडणुकीत किंंगमेकर ठरलेेेले शेकाप जेेष्ठ नेते अनंत आत्माराम वाघ यांची चेअरमन पदी तर व्हाइस चेअरमन पदी नथुराम घासे यांची बिनविरोध निवड करण्यात आली. अतिशय शांंततेत पार पडलेेेल्या या निवडणूक प्रक्रियेत निवडणूक निर्णय अधिकारी म्हणून सहकारी संस्था रोह्याचे सहाय्यक निबंधक आर. जे. कापडणे यांनी कामकाज पहिले.
यावेळी संस्थेचे सचिव वैभव पाटील, संचालक निखिल मढवी, प्रवीण जांबेकर, एकनाथ राजीवले, मधुकर मालुसरे, अशोक शिर्के, जयंत वाघ, हेमंत वाघ, अनुराधा वाघ, शेकाप महिला नेत्या कांचन माळी, गोविंद हंबीर, देवकी ढेबे आदींसह संस्थेचे सभासद उपस्थित होते. दरम्यान उपस्थित सर्वांनी यावेळी नवनिर्वाचित चेअरमन अनंत वाघ आणि व्हाईस चेअरमन नथुराम घासे यांचे पुष्पगुच्छ देवून अभिनंदन केले.
