• ज्योती पायगुडे व जगन्नाथ तांडेल सरपंच सम्राट पुरस्काराने सन्मानित
रायगड वेध श्रीकांत नांदगावकर तळा
तळा तालुक्यातील गिरणे ग्रामपंचायतीच्या सरपंच सौ ज्योती कैलास पायगुडे व वाशी हवेली ग्रामपंचायत सरपंच जगन्नाथ ज्ञानदेव तांडेल यांना पालकमंत्री आदिती तटकरे यांच्या हस्ते सरपंच सम्राट पुरस्काराने सन्मानित करण्यात आले.
"आपला सरपंच आपला गौरव" ग्रामपंचायतीच्या विकासात नवराष्ट्रची साथ या कार्यक्रमातंर्गत "सरपंच सम्राट" पुरस्कार वितरण कार्यक्रमाचे आयोजन अलिबाग येथील पीएनपी सहकारी सांस्कृतिक कला विकास मंडळ येथे पार पडला.यावेळी जिल्ह्यातील विविध क्षेत्रात उल्लेखनीय कार्य केलेल्या सरपंचांना आदर्श सरपंच पुरस्कार देऊन गौरविण्यात आले.तळा तालुक्यातील गिरणे सरपंच ज्योती पायगुडे व वाशी हवेली सरपंच जगन्नाथ तांडेल यांनी आपल्या ग्रामपंचायतीत विविध योजना राबवून गावाचा सर्वांगीण विकास केला आहे.त्यांच्या कार्याची दखल घेऊन त्यांना पालकमंत्री आदिती तटकरे यांच्या हस्ते सरपंच सम्राट पुरस्कार देऊन गौरविण्यात आले. याप्रसंगी आ.अनिकेत तटकरे,जिल्हाधिकारी महेंद्र कल्याणकर,विरोधी पक्षनेता म.न.पा.पनवेल प्रितम म्हात्रे,अपर पोलीस अधीक्षक अतुल झेंडे, नवभारत संपादक ब्रिज मोहन पांडे,सिनेअभिनेता भालचंद्र (भाऊ) कदम, सिनेअभिनेत्री मेघना एरंडे, श्रीनिवास जोशी,जनरल मॅनेजर सचिन फुलपगारे ,ब्युरो चीफ रायगड आविष्कार देसाई व पत्रकार मोठ्या संख्येने उपस्थित होते.
