इस्माईल पल्लवकर रायगड भूषण पुरस्काराने सन्मानित.
रायगड वेध श्रीकांत नांदगावकर तळा
तळा तालुक्यातील राहाटाड येथील इस्माईल पल्लवकर यांना पालकमंत्री आदिती तटकरे यांच्या हस्ते रायगड भूषण पुरस्काराने सन्मानित करण्यात आले. इस्माईल पल्लवकर हे खासदार सुनील तटकरे यांचे अत्यंत विश्वासू व कट्टर समर्थक समजले जातात.त्यांनी आपल्या सामाजिक कारकिर्दीत अनेक महत्वाची पदे भूषविली आहेत.ज्यामध्ये तळा तालुका समन्वय समिती सदस्य, राष्ट्रवादी काँग्रेस कमिटी जिल्हा प्रतिनिधी,जमातुल मुस्लिमीन राहाटाड अध्यक्ष, ग्रामीण पाणीपुरवठा स्वच्छता पोषण कमिटी अध्यक्ष, सागर सुरक्षा रक्षक रायगड सदस्य, विशेष कार्यकारी,अधिकारी राष्ट्रवादी अल्पसंख्याक सेलचे अध्यक्ष, ग्राम विकास व जलसंधारण विभाग यांच्याकडून प्रमाण पत्र, राष्ट्रवादी काँग्रेस माणगाव रोहा विधानसभा मतदार संघ समिती सदस्य, रहाटाड ग्रामपंचायत सदस यांसारखी विविध पदे भूषविली आहेत. सामाजिक कार्यात त्यांनी केलेल्या उल्लेखनीय कामगिरीबद्दल पालकमंत्री आदिती तटकरे व विविध मान्यवरांच्या उपस्थितीत त्यांना रायगड भूषण पुरस्काराने गौरविण्यात आले. इस्माईल पल्लवकर यांना रायगड भूषण पुरस्कार मिळाल्याबद्दल तळा तालुक्यातील अनेक मान्यवरांकडून त्यांच्यावर शुभेच्छांचा वर्षाव होत आहे.,
