🛑माणगांव येथे मे. दिवाणी न्यायाधीश वरिष्ठ स्तर न्यायालय मंजूर प्रकरणी सत्कार समारंभ कार्यक्रम, महाविकास आघाडीचे सर्व नेते एकाच व्यासपीठावर

Team Raigad vedh August 23, 2021 0

🛑माणगांव येथे मे. दिवाणी न्यायाधीश वरिष्ठ स्तर न्यायालय मंजूर प्रकरणी सत्कार समारंभ कार्यक्रम

🛑महाविकास आघाडीचे सर्व नेते एकाच व्यासपीठावर

रायगड वेध माणगाव प्रतिनिधी गिरीश गोरेगावकर

माणगांव येथे मे. दिवाणी न्यायाधीश वरिष्ठ स्तर न्यायालय मंजूर करण्यासाठी प्रयत्न केल्याचे औचित्य साधून माणगाव वकील संघटनेने सत्कार समारंभ कार्यक्रम आज दि. २१ ऑगस्ट रोजी द. ग. तटकरे महाविद्यालयात आयोजित केला होता. यावेळी दक्षिण रायगड जिल्ह्यातील महाविकास आघाडीचे सर्व नेते एकाच व्यासपीठावर उपस्थित होते.

यावेळी खा. सुनील तटकरे, राज्यमंत्री आदिती तटकरे, आ. भरत गोगावले, आ. अनिकेत तटकरे, वकील संघटना अध्यक्ष अँड. महेंद्र मानकर, उपाध्यक्ष अँड. मोहन मेथा, सचिव अँड. कौस्तुभ धामणकर, खजिनदार अँड . योगेश आंबेतकर, माणगांव शिक्षण प्रसारक मंडळ अध्यक्ष अँड. राजीव साबळे, रा. कॉ. तालुका अध्यक्ष सुभाष केकाणे, माजी नगराध्यक्ष आनंद यादव, प्रांताधिकारी प्रशाली दिघावकर, तहसीलदार प्रियांका आयरे, पो. नि. अश्वनाथ खेडकर, सर्व नगरसेवक, महाविकास आघाडी नेते व कार्यकर्ते, श्रीवर्धन, रोहा व माणगांव वकील संघटना सर्व पदाधिकारी उपस्थित होते.

माणगांव येथे मे. दिवाणी न्यायाधीश वरिष्ठ स्तर न्यायालय मंजूर करण्यासाठी खा. सुनील तटकरे, राज्यमंत्री तथा रायगडच्या पालकमंत्री आदिती तटकरे, आ. भरत गोगावले, आ. अनिकेत तटकरे यांचा माणगाव वकील संघटनेकडून भव्य सत्कार करण्यात आला.

यावेळी वकील संघटना अध्यक्ष ऍड. महेंद्र मानकर यांनी सांगितले की, तमिळनाडू येथे वकिलांना भत्ता दिला जातो तसा आपल्या इकडे देखील द्यावा. माणगांव न्यायालय येथे वकील, पक्षकार, महिला वकील यांना स्वतंत्र खोल्या असाव्यात. न्यायाधीश यांना कायम निवासाची सोया व्हावी अशा अनेक मागण्या केल्या. या कार्यक्रमात आ. भरत गोगावले, राज्यमंत्री आदिती तटकरे यांनी आपले मनोगत व्यक्त केले.

खा. सुनील तटकरे यांनी आपल्या मनोगतात व्यक्त केली की, याचे सर्व श्रेय वकील संघटना व त्यांचे अध्यक्ष अँड. मानकर यांना जाते. अजून संघटनेनी मागण्या केल्या आहेत त्याचा योग्य तो पाठपुरावा करून त्या लवकरात लवकर पूर्ण करण्याचा प्रामाणिक प्रयन्त पालकमंत्री आदिती तटकरे यांच्यासह आम्ही करू. येत्या काळात माणगांव हेच जिल्ह्याचे ठिकाण असू शकेल. कारण माणगांव हे मध्यवर्ती ठिकाण आहे. या न्यायालयामुळे वकिलांनाच नाहीतर जनतेला याचा खूप मोठा फायदा होईल. यामुळे सर्वसामान्य जनतेला फेरफार मारणे व आर्थिक भुर्दंडाला आळा बसेल. या सत्कारामुळे आम्हाला अजून नव्या जोमाने काम करण्याची स्फूर्ती मिळाली.