🛑पोलीस अंमलदार अनंत घरत यांनी घडविले माणुसकीचे दर्शन, सर्पदंश झालेल्या मुलीला वेळेत उपचार मिळाल्याने वाचले प्राण

🛑पोलीस अंमलदार अनंत घरत यांनी घडविले माणुसकीचे दर्शन

🛑सर्पदंश झालेल्या मुलीला वेळेत उपचार मिळाल्याने वाचले प्राण

रायगड वेध तळा प्रतिनिधी श्रीकांत नांदगावकर 

तळा पोलीस ठाण्याचे अंमलदार अनंत प्रभाकर घरत यांनी एका १८ वर्षीय युवतीचे प्राण वाचवून माणुसकीचे दर्शन घडविले.याबाबत सविस्तर वृत्त असे की दि १२ऑगस्ट रोजी रोवळा येथे राहणारी कुमारी ज्ञानेश्वरी रमेश शिगवण (वय वर्षे १८) हिला सर्प चावल्याने तीला प्रथमोपचारासाठी प्राथमिक आरोग्य केंद्र तळा येथे दाखल करण्यात आले.परंतु रुग्ण गंभीर अवस्थेत असल्याने डॉक्टरांनी प्राथमिक उपचार करून तीला ताबडतोब उपजिल्हा रुग्णालय माणगाव येथे हलविण्यास सांगितले.परंतु प्राथमिक आरोग्य केंद्र येथे असलेली रुग्णवाहिका दुसऱ्या रुग्णाला घेऊन गेली असल्याने आता काय करावे असा प्रश्न सर्पदंश झालेल्या मुलीच्या पालकांना पडला परंतु ही गोष्ट त्या ठिकाणी असलेले कर्तव्यदक्ष पोलीस अंमलदार अनंत प्रभाकर घरत तळा पोलीस ठाणे यांना समजताच त्यांनी क्षणाचाही विलंब न लावता सर्पदंश झालेल्या मुलीला आपल्या स्वतःच्या गाडीतुन घेऊन जात माणगाव उपजिल्हा रुग्णालय येथे अवघ्या काही मिनिटात पोहचविले.मुलीला वेळेत उपचार मिळाल्याने तिचे प्राण वाचले.ही गोष्ट समजताच शेतकरी कामगार पक्षाचे तालुका चिटणीस धनराज गायकवाड व आर डी सी बँकेचे संचालक ज्ञानेश्वर भोईर यांनी तळा पोलीस ठाणे येथे पोलीस अंमलदार अनंत घरत यांचा प्रसंगावधान दाखवून मुलीचे प्राण वाचवल्या बद्दल पुष्पगुच्छ देऊन आभार मानले.याप्रसंगी पो.ह.पवार,गणेश जगताप,मिलिंद फाटक उपस्थित होते.