🛑म्हसळा एस.टी.स्थानकात तिकीट आरक्षण सुविधा तात्काळ सुरु करण्याची प्रवाशांची मागणी.

🛑म्हसळा एस.टी.स्थानकात तिकीट आरक्षण सुविधा तात्काळ सुरु करण्याची प्रवाशांची मागणी.

रायगड वेध म्हसळा प्रतिनिधी श्रीकांत बिरवाडकर

राज्य परिवहन महामंडळाच्या अर्थात एसटीची सेवा "गाव तेथे एसटी", "रस्ता तेथे एसटी" या ब्रीदवाक्यानुसार प्रवासी वाहतूकीची सेवा खेड्यापासून शहरापर्यंत विस्तारलेली आहे परंतु मागील दोन वर्षापासून श्रीवर्धन आगाराची सेवा ढिसाळ झाल्याची प्रवाशांची तक्रार होत आहे.म्हसळा वासीय नागरिकांसाठी आरक्षण( रिर्झवेशन)ची सुविधा म्हसळा एस.टी.स्थानका मधून तात्काळ सुरु करावी अशी मागणी सातत्याने करून सुध्दा आगारप्रमुख दुर्लक्ष करीत आहेत.म्हसळा स्थानकातुन सध्या 25 बस विविध मार्गावर धावत आहेत त्यामध्ये नालासोपारा 4, बोरीवली 4, मुंबई 12,लातूर,पुणे,नाशिक, भिवंडी,चिपळूण मार्गे मिरज प्रत्येकी एक फेरी होते. या मार्गावर म्हसळा स्थानकात मोठया संखेने प्रवाशांची ये - जा असते अशावेळी परिवहन विभागाकडून आरक्षित सुविधा तात्काळ सुरु व्हावी अशी मागणी सातत्याने पुढे येत आहे.माहे जुन पासून तालुका पातळीवर बहुतांश गावातून तालुका मुख्यालयापर्यंत श्रीवर्धन आगारातून प्रवाशी वाहतुक पूर्ववत सुरू केल्याने प्रवाशी संघटना एस.टी.महामंडळाचेआभार मानत आहे. प्वाशांचे हिताचे व महामंडळाचे फायद्याच्या मार्गावर सेवा पूर्ववत कराव्या आसा सल्ला प्रवासी संघटना देत आहेत.सकाळी 6.30 वाजता सुटणारी श्रीवर्धन साई मार्गे भांईंदर ही बंद असणारी बस पूर्ववत सुरु करावी या बसचे भाईंदर वरुन सुटण्याची वेळ रात्री 8 किंवा 9 वा.असावी अशी मागणी वसई,विरार,नायगाव,माणिकपूर परिसरांतील प्रवाशानी केली आहे. 

"म्हसळा शहरात मध्यवर्ती ठिकाणी सन 2011 मध्ये तत्कालीन पालकमंत्री ना.सुनिल तटकरे यांनी म्हसळ्यातील प्रवाशांसाठी पाहिल्या मजल्यावर वाहतुक नियंत्रक व दुसऱ्या मजल्यावर तिकीट आरक्षण व विद्यार्थी पास या साठी दुमजली इमारतीचे लोकार्पण केले. म्हसळा शहरात आरक्षण व विद्यार्थी सवलत पास याला मागणी असूनही सेवा सुरू करीत नाहीत हे प्रवाशांसाठी दुर्देवच आहे.

श्री.अनिल महामुनकर -सामाजिक कार्यकर्ता