🛑ऐंशी कोटी लोकांना अन्नधान्य देणारे भाजप एकमेव सरकार- नारायण राणे

🛑घरातून बाहेर पडत नाही असा माझ्या आयुष्यातील पहिला मुख्यमंत्री- केंद्रीय मंत्री नारायण राणे 

🛑ऐंशी कोटी लोकांना अन्नधान्य देणारे भाजप एकमेव सरकार- नारायण राणे

रायगड वेध माणगांव प्रतिनिधी गिरीश गोरेगावकर

   घरातून बाहेर पडत नाही असा माझ्या आयुष्यातील पहिला मुख्यमंत्री , हा माणूस मंत्रालयात जात नाही , काँबिनेट मध्ये जात नाही. मी मुख्यमंत्री असतांना रोज जात होता आणि हा माणूस ? काय हि शिवसेना , काय हि शिवशाही ? अशी घणघाणीत टीका गांधी मेमोरियल हॉल माणगाव येथील जनआशीर्वाद यात्रा व केंद्रीय मंत्री नारायण राणे याचा भव्य सत्कार कार्यक्रमात केंद्रीय मंत्री नारायण राणे यांनी मुख्यमंत्री उध्दव ठाकरे यांच्यावर केली.

            या वेळी विरोधी पक्षनेते आ. प्रवीण दरेकर, आ. प्रशांत ठाकूर , माजी खा. निलेश राणे, माजी पालकमंत्री रविंद्र चव्हाण, माजी आ. देवेंद्र साटम, बाळा पाटील, शाम सावंत, जिल्हाअध्यक्ष अँड. महेश मोहिते, महाराष्ट्र सचिव रवि मुंढे, दक्षिण रायगड उपाध्यक्ष नाना महाले, तालुका अध्यक्ष संजय ढवळे, तालुका उपाध्यक्ष योगेश सुळे, चिन्मय मोने आदी भाजप कार्यकर्ते बहुसंख्येने उपस्थित होते.

    आम्हा नविन केंद्रीय मंत्र्याना मोदी सरकारने जनतेच्या हितासाठी पाठविले आहे. ऐंशी कोटि जनतेला अन्न पुरवठा करणारा भारतीय जनता हे एकमेव सरकार आहे. उज्वला गँस योजना, महिलांना प्रशिक्षण देण्याचे भाजप सरकारने काम केले आहे.

     आज मुंबई गोवा महामार्ग नादुरुस्त आहे. या सरकारने दोन कंत्राटदार बदलले. या रस्त्याबाबतची कुंडली सर्व मला माहीत आहे. हा महामार्ग सहा महिन्यात पूर्ण करतो अशी ग्वाही या कार्यक्रम प्रसंगी नारायण राणे यांनी दिली.

    मुख्यमंत्री उद्धव ठाकरे यांना विचारा या ठिकाणचे कारखाने बंद का झाले? त्याचे कार्यकर्ते उपद्रव कसे करत आहेत. कोकणातील बंद उद्योग तूम्ही चालू करा. 50 कोटि लघु उद्योग, 250 कोटि पर्यत मध्यम उदयोग तूम्ही सुरू करा. केंद्र सरकारच्या माध्यमातून अद्यावत मशनरी, प्रशिक्षण मिळेल पण तुमची मानसिकता असायला पाहिजे. कामगार होणार, का उद्योजक होणार? हे तूम्ही ठरवा. तूम्ही व्यवसाय समजाऊन घ्यायला पाहिजे. अनुदानतून गाडी न घेता व्यवसायत लक्ष घाला. देश आर्थिक सबळ होईल. मोदी सरकारच्या विविध योजना व संकल्पना जनते पर्यत पोहचविण्यासाठी मोदींनी मला पाठविले आहे. देशाचा विकास झाला पाहिजे. येत्या काळात केंद्रात राज्यात भाजपचं सरकार येणार. अमेरिकन महासत्ता प्रमाणे भारत देश महासत्ता होईल हीच मोदी सरकारची संकल्पना पूर्ण होण्यासाठी जनतेत जावे म्हणुन जन आशीर्वाद यात्रा काढली आहे.

   कोविडमध्ये औषध, कोरोना लसी मध्ये 12% कमिशन मागितले म्हणुन कंत्राटदार पळून गेल्याचा आरोप ठाकरे सरकारवर केला. एका रात्रीची नवरी संबंध तोडून जाणारी राष्ट्रवादी! सर्व धर्म समभाव म्हणुन काम करणारी तर कट्टर हिंदूंत्ववादी शिवसेना व कॉंग्रेस यांचे एकत्र येऊन सरकार चालते तरी कसे? असे अनेक आरोप राणे यांनी महाविकास आघाडी सरकारवर केले.